चास, ता.६ : येथील (ता. खेड) रयत शिक्षण संस्थेच्या जवाहर विद्यालयात १५ ते १८ वयोगटातील किशोरवयीन विद्यार्थ्यांसाठी कोरोना प्रतिबंधात्मक लसिकरण शिबिराचे आयोजन करण्यात आले होते. याचा १५० विद्यार्थ्यांनी लाभ घेतला.
चास येथील जवाहर विद्यालयात वाडा प्राथमिक आरोग्य केंद्राच्या अंतर्गत चास आरोग्य उपकेंद्राच्या वतीने कोरोना लसीकरणास प्रारंभ करण्यात आला. पुणे जिल्हा परिषदेच्या सदस्या तनुजा घनवट यांच्या हस्ते लसीकरणाचा प्रारंभ करण्यात आला. याप्रसंगी सोसायटीचे सदस्य राजेंद्र गायकवाड, ग्रामपंचायतीचे उपसरपंच संदीप ढमढेरे, सदस्य नवनाथ वाळुंज, विनायक मुळूक, ग्रामसेवक शंकर ढोरे, मुख्याध्यापक व्ही. डी. निमसे, आरोग्य विभागाचे महादेव सानप, प्रकाश पाटील, शिनलकर, आशा वर्कर लता बोकड, नीलम शिंदे, सारिका शिंदे, सुरेखा घनवट, सुवर्णा डावरे यांसह विशेष बाब म्हणजे विद्यार्थ्यांचे पालक मोठ्या संख्येने उपस्थित होते.
यावेळी मार्गदर्शन करताना जिल्हा परिषदेच्या सदस्याघनवट म्हणाल्या कि कोरोना लसीकरण महत्त्वाचे असून प्रत्येक पात्र विद्यार्थ्यांने न घाबरता लसीकरण करून घेणे गरजेचे आहे.
--------------------------------------------------------------------------
33494