बारामती, ता. १३ : तालुक्यातील माळेगाव सहकारी साखर कारखान्यावरून ऊस तोडणी कामगाराचा सहा लाखांचा ट्रॅक्टर चोरीला गेला. कांतिलाल बाजीराव राठोड (मूळ रा. कसाबखेडा, ता. नांदगाव, जि. नाशिक) यांनी तालुका पोलिस ठाण्यात फिर्याद दिली. राठोड हे माळेगाव साखर कारखान्यावर ऊसतोडणीचे काम करतात. आॅक्टोबर २०२१ मध्ये त्यांनी नवीन ट्रॅक्टर घेतला. तो माळेगाव कारखान्यावर ऊस वाहतुकीसाठी आणला होता. घाडगेवाडी येथून त्यांनी ऊस भरून आणला. ट्रॅक्टरमधील ऊस कारखान्यात उतरविल्यानंतर खाली तो चोरीला गेल्याची फिर्याद त्यांनी नोंदविली आहे.