चास, ता. ९ : पांगरी बुट्टेवाडी (ता. खेड) येथील विविध कार्यकारी सहकारी सोसायटीच्या अध्यक्षपदी बबनराव मारुती तळेकर तर उपाध्यक्षपदी बाळासाहेब पोळ यांची बिनविरोध निवड झाली.
ग्रामदैवत श्री रोकडोबा महाराजांच्या मंदिरामध्ये सर्व उमेदवार व ग्रामस्थ यांनी विचार विनिमय करून अध्यक्षपदी तळेकर तर उपाध्यक्षपदी पोळ यांची बिनविरोध निवड केली. यावेळी नवनिर्वाचित संचालक मंडळातील सदस्य वासुदेव घोलप, दत्तात्रेय खांडगे, गोविंद बुट्टे, विठ्ठल तळेकर, बबन गाढवे, कुंडलिक तळेकर, बन्सीलाल खांडगे, सखुबाई बुटे, जयश्री भालेराव, पार्वताबाई तळेकर आदी उपस्थित होते. ही निवडणूक बिनविरोध पार पडण्यासाठी उद्योजक गणेश शितोळे, शत्रुघ्न खांडगे, ग्रामपंचायत सदस्य प्रकाश घोलप, अमोल गाढवे, ॲड. संतोष तळेकर, ॲड. प्रकाश तळेकर, गणपत गाढवे, भगवान गाढवे, महेंद्र गाढवे आदींनी विशेष प्रयत्न केले. निवडणूक पार पडल्यावर ग्रामस्थांनी भंडारा उधळून व फटाके फोडून आनंदोत्सव साजरा केला.