चास, ता. १४ : मोहकल (ता. खेड) येथील सुमारे अठरा लाभार्थींना महाआवास अभियानांतर्गत घरकुले मंजूर झाली असून लाभार्थींच्या खात्यात प्रथम अनुदानही प्राप्त झाले आहे. या अठरा लाभार्थींना मंजुरीचे पत्र पंचायत समिती खेडचे सभापती अरुण चौधरी तसेच जिल्हा परिषद सदस्या तनुजा घनवट यांसह अन्य मान्यवरांच्या हस्ते देण्यात आले.
मोहकल येथील १४ कुटुंबांना शबरी घरकुल योजनेअंतर्गत तर प्रधानमंत्री आवास योजनेअंतर्गत तीन घरकुले मंजूर झाली असून या लाभार्थींच्या घरांचा प्रश्न कायमचा सुटणार आहे. या मंजूर झालेल्या घरकुलांच्या लाभार्थींना कार्यक्रमात मंजुरीचे पत्र देण्यात आले. यावेळी माजी सभापती अंकुश राक्षे, गटविकास अधिकारी अजय जोशी, विस्तार अधिकारी अनिता ससाणे, सरपंच सुनीता भागवत, उपसरपंच नवनाथ राऊत, ग्रामपंचायत सदस्य मंदा थोरात, दत्तात्रेय राऊत, शशिकला रणपिसे, नितीन राऊत, माजी सरपंच गुलाब राऊत, ग्रामसेवक प्रियांका वाव्हळ, शिवमंगल आंबेकर यांसह ग्रामस्थ व लाभार्थी मोठ्या संख्येने उपस्थित होते.
याप्रसंगी विजय पारधी, पोपट खंडवे, विठ्ठल गावडे, किसन गावडे, उद्धव पारधी, चिंधू खंडवे, जिजाबाई खंडवे, विठ्ठल खंडवे, सुमन पारधी, चांगुणाबाई गावडे, नामदेव गावडे, संतोष खंडवे, साहेबराव खंडवे, जनाबाई खंडवे, मुऱ्हाबाई खंडवे, सीताबाई खंडवे व कचराबाई खंडवे यांना मंजुरीची पत्रे मान्यवरांच्या हस्ते देण्यात आली.