भिगवण, ता. १० ः राष्ट्रवादी कॉंग्रेस पक्षाचे अध्यक्ष शरद पवार यांच्या मुंबई येथील घरावर करण्यात आलेल्या हल्ल्याचा येथील राष्ट्रवादी कॉंग्रेस पक्षाच्या पदाधिकारी व कार्यकर्त्यांनी तीव्र शब्दांत निषेध केला. कार्यकर्ते घटनेचा निषेध करण्यासाठी येथील दुर्गादेवी मंदिर परिसरामध्ये जमले. त्यांनी मुख्य बाजार पेठेमधुन मोर्चा काढत निदर्शने काली. यावेळी राष्ट्रवादी कॉंग्रेस पक्षाचे प्रदेश सरचिटणीस अॅड. महेश देवकाते, जिल्हा परिषद सदस्य हनुमंत बंडगर, सचिन बोगावत, शंकराव गायकवाड, प्रशांत शेलार, शामराव आढाव, अजिंक्य माडगे, महेश शेंडगे, आबासाहेब देवकाते, अण्णासाहेब धवडे, बापूराव थोरात, धनंजय थोरात, राजू देवकाते, प्रमोद नरूटे, दत्तात्रय पाचांगणे, सुरेश बिबे, मनोज राक्षे, अमोल देवकाते, केशव भापकर,किरण पन्हाळे राजू हगारे, विजय थोरात गणेश कांबळे उपस्थित होते.

PNE22S55794