वाल्हे : महात्मा जोतिराव फुले यांनी आपल्या आधुनिक विचारसरणीतून जाती-भेद आणि अंधश्रद्धेला कडवा विरोध केला. आजच्या समाजानेही त्यांचे विचार अंगीकारावेत, असे आवाहन पुणे जिल्हा बँकेचे अध्यक्ष दिगंबर दुर्गाडे यांनी केले.

वाल्हे (ता.पुरंदर) येथे महात्मा फुले विकास प्रतिष्ठान व महात्मा फुले समता परिषदेच्या वतीने महात्मा फुले यांच्या जयंती कार्यक्रमाचे आयोजन केले होते. यावेळी दिगंबर दुर्गाडे यांच्या हस्ते फुले यांच्या पुतळ्याला पुष्पहार अर्पण करण्यात आला. याप्रसंगी माजी बांधकाम सभापती दत्ताआबा चव्हाण, माजी सभापती गिरीश पवार, दत्तात्रेय पवार, महादेव चव्हाण, सुनील पवार, बाळासाहेब भुजबळ, साहेबराव पवार, त्रिंबक भुजबळ, मदन भुजबळ, प्रवीण कुमठेकर, हनुमंत पवार आदि उपस्थित होते.

अनिल भुजबळ, पांडुरंग भुजबळ, संतोष भुजबळ, शंकर भुजबळ, गणेश भुजबळ, कांतिलाल भुजबळ, दादासाहेब राऊत आदींनी संयोजन केले. प्रतिष्ठानचे अध्यक्ष सूर्यकांत भुजबळ यांनी प्रास्ताविक, दीपक कुमठेकर यांनी सूत्रसंचालन केले. तुषार भुजबळ यांनी आभार मानले.