आंबेठाण, ता. ३० : सावरदरी (ता.खेड) ग्रामपंचायतीच्या सरपंचपदी मीरा अंकुश कदम यांची बिनविरोध निवड झाली. सरपंच भरत तरस यांनी राजीनामा दिल्याने रिक्त जागेसाठी ही निवडणूक घेण्यात आली.
यावेळी माजी सरपंच भरत तरस, उपसरपंच नीता शेटे, संदीप पवार, संदीप मेंगळे, ताराबाई शेटे, बारकाबाई गावडे, पोलिस पाटील राहुल साकोरे आदी उपस्थित होते. निवडणूक निर्णय अधिकारी म्हणून चाकणचे मंडलाधिकारी गणेश सोमवंशी यांनी काम पाहिले. तलाठी सतीश पवार, ग्रामसेवक श्रीधर नाईकडे, दीपक गायकवाड यांनी त्यांना मदत केली.
यावेळी मंडलअधिकारी गणेश सोमवंशी, माजी सरपंच भरत तरस, नवनिर्वाचित सरपंच मीरा कदम, संदीप पवार यांनी मनोगत व्यक्त केले. निवडणूक प्रसंगी सोमनाथ तरस, सुनील बुचुडे, तुकाराम सोनवणे, भगवंत शिंदे, बाळासाहेब बोत्रे, श्रीहरी सोनवणे, संदीप गाढवे, रवींद्र बुचुडे, अतुल हंबीर, चांगदेव कदम यांनी प्रयत्न केले. सूत्रसंचालन संतोष शिंदे यांनी केले तर, आभार मचिंद्र शेटे यांनी मानले.