आंबेठाण, ता. ३० : तीर्थक्षेत्र येलवाडी (ता. खेड) येथील येलेश्वर विविध कार्यकारी सेवा सोसायटीच्या अध्यक्षपदी शंकर लक्ष्मण गाडे यांची, तर उपाध्यक्षपदी वसंत भिकाजी गाडे यांची बिनविरोध निवड झाली. अध्यक्ष संतोष दत्तू बोत्रे आणि उपाध्यक्ष दीपाली वसंत गाडे यांनी आपल्या पदाचा राजीनामा दिल्याने ही निवडणूक घेण्यात आली. येथील सोसायटीच्या कार्यालयात ही निवडणूक पार पडली. यावेळी अध्यक्ष आणि उपाध्यक्षपदासाठी प्रत्येकी एक अर्ज आला होता. निवडणूक निर्णय अधिकारी म्हणून पी. एन. राऊत यांनी काम पाहिले. त्यांना सोसायटी सचिव रोहिदास गव्हाणे यांनी मदत केली. याप्रसंगी खेड तालुका कृषी उत्पन्न बाजार समितीचे संचालक आणि विद्यमान सरपंच रणजित गाडे, माजी सरपंच अशोक बोत्रे, उपसरपंच विक्रम बोत्रे, अनिल बोत्रे, अजित बोत्रे, माजी अध्यक्ष राजू बोत्रे, शांताराम सातव, बाळासाहेब रामचंद्र बोत्रे, सुरेश मोरे, श्यामराव गायकवाड, लक्ष्मण गाडे, बाळासाहेब गाडे आदी उपस्थित होते.