आंबेठाण, ता. २ : वराळे (ता. खेड) येथील तरुण उद्योजक संदेश बापूसाहेब काळे यांना त्यांच्या व्यवसाय क्षेत्रातील उल्लेखनीय कार्याबद्दल ‘स्टार्टअप मेंटर ॲाफ द इयर पुरस्कार देऊन सन्मानित करण्यात आले. केंद्रीय मंत्री नितीन गडकरी यांच्या हस्ते हा पुरस्कार वितरित केला.
पुणे येथे नवभारत ग्रुपच्या माध्यमातून महाराष्ट्रातील १८ तरुण उद्योजकांचा यावेळी सन्मान केला. उद्योग, शिक्षण, क्रीडा, रिअल इस्टेट, व्यापार, औद्योगिक क्षेत्र अशा विविध क्षेत्रातील नवउद्योजकांनी कमी वयात मिळविलेले यश, गुन्हेगारी व्यतिरिक्त यश, शासनाला दिलेला महसूल याची पडताळणी करून हा सन्मान केला.
या कार्यक्रमाला प्रमुख पाहुणे म्हणून केंद्रीय मंत्री नितीन गडकरी, नवभारत ग्रुपचे निमिष माहेश्वरी डॉ. आर्शी आयुब, घोडावत समूहाचे संजय घोडावत, महाराष्ट्रात चेंबर्स ऑफ कॉमर्स अध्यक्ष ललित गांधी, विशाल चोरडिया, सीमा सिंह आदी उपस्थित होते.
काळे यांच्या श्रीशा लॅंडमार्क आणि श्रीशा क्रेन सर्विस या उद्योगाला ‘स्टार्टअप मेंटर ॲाफ द इयर हा पुरस्कार देण्यात आला. खेड तालुक्यातील ते एकमेव उद्योजक या पुरस्कारास पात्र ठरले आहेत.