आंबेठाण, ता. ४ : शहापूर (जि. भंडारा) येथे गुरुवार (ता. २७ नोव्हेंबर) ते शनिवार (ता. २९ नोव्हेंबर) या कालावधीत राज्यस्तरीय इन्स्पायर ॲवॉर्ड मानक विज्ञान प्रदर्शन भरवण्यात आले होते. यात भांबोली (ता. खेड) येथील भामचंद्र विद्यालयातील वेदांती वाबळे हिच्या ‘मॉडर्न सेफ्टी डोअर’ या प्रकल्पाची निवड राष्ट्रीय पातळीवर झाली आहे.
दरम्यान, २०२४- २५ मधील निवड झालेल्या २१ प्रकल्पांपैकी ५ प्रकल्प हे पुणे जिल्ह्यातील असून हा एकमेव प्रकल्पाची खेड तालुक्यातून निवड झाली आहे. तर सेफ्टी डोअर व सेफ्टी बेल्ट या दोन्ही प्रकल्पांची निवड राज्यस्तरावर जिल्ह्यातून या विद्यालयाच्या दोन्ही प्रकल्पांची निवड झाली. त्यातील सेफ्टी डोअर याची राष्ट्रीय पातळीवर निवड झाली.
या विद्यार्थिनींना प्रतिमा घनवट व रोहिणी साबळे आणि विज्ञान शिक्षक यांनी मार्गदर्शन केले. विद्यार्थ्यांच्या या यशाबद्दल संस्थेचे अध्यक्ष अजित बुट्टेपाटील, सचिव विलास काळे, उपाध्यक्ष दत्तात्रेय पडवळ, विनोद पाचपुते, शिक्षण समिती अध्यक्ष निशांत करंडे, प्राचार्य संजय बोरकर आदींनी अभिनंदन केले.

विद्यार्थ्यांची कामगिरी
विद्यालयातील १४३ विद्यार्थ्यांनी २०२३- २४ या शैक्षणिक वर्षात सहभाग घेतला होता, तर त्यातील १४ विद्यार्थ्यांची राष्ट्रीय स्तरासाठी निवड झाली आहे.
तर २०२४ -२५ या शैक्षणिक वर्षात २११ विद्यार्थ्यांनी सहभाग घेतला होता, त्यातील २१ विद्यार्थ्यांची राष्ट्रीय स्तरासाठी निवड झाली आहे.