मांडवगण फराटा, ता. १७ : बाभुळसर बुद्रुक (ता. शिरूर) येथील शिवजयंती उत्सव समिती आणि सह्याद्री ब्लड सेंटर यांच्या वतीने तसेच ग्रामस्थांच्या सहकार्याने शुक्रवारी (ता. १५) विठ्ठल-रुक्मिणी मंदिर सभागृहात रक्तदान शिबिर पार पडले. यामध्ये १६० जणांनी रक्तदान करून सामाजिक बांधिलकी जपली. महिलांसह युवकांनीही शिबिरात उत्साहाने सहभाग घेतला. छत्रपती संभाजीनगर येथील सह्याद्री ब्लड सेंटरच्या रक्तपेढी टीमने रक्तसंकलन केले.
याप्रसंगी शिरूर खरेदी विक्री संघाचे उपाध्यक्ष बाळासाहेब नागवडे, भीमा घोड प्रोड्युसर कंपनीचे अध्यक्ष संतोष नागवडे, रामचंद्र नागवडे, तंटामुक्तीचे अध्यक्ष अरुण नागवडे, हनुमंत पाटोळे, ग्रामपंचायत सदस्य निरंजन नागवडे, प्रीती नागवडे, गणेश मचाले, मोहिनी रणदिवे, सुवर्णा रणदिवे, बन्सी मचाले, महादेव मचाले उपस्थित होते.
शिबिराच्या यशस्वितेसाठी सतीश नागवडे,नितीन नागवडे, प्रशांत नागवडे, मंगेश नागवडे, जयदीप नागवडे, आकाश नागवडे, ज्ञानेश्‍वर नागवडे, नवनाथ नागवडे, रविराज नागवडे, दत्तात्रेय दिवेकर यांनी परिश्रम घेतले. यावेळी लकी ड्रॉमधून अविनाश लोणारे, सार्थक नागवडे, सागर शिंदे यांना बक्षीसे प्रदान करण्यात आली.