आंधळगाव : शेतात वांगी तोडण्यासाठी जाते असे सांगून घराबाहेर पडलेली विवाहित महिला बेपत्ता झाल्याची घटना कुरुळी (ता.शिरूर) येथे रविवारी (ता.१५) घडली. कोमल नीलेश पवार (वय ३०,रा. कुरुळी) असे बेपत्ता महिलेचे नाव असून या प्रकरणी शिरूर पोलिस ठाण्यात बेपत्ताची नोंद करण्यात आली आहे. याबाबत अनिता धनंजय पवार (रा. कुरुळी, ता.शिरूर) यांनी पोलिसात खबर दिली आहे.
बेपत्ता कोमल यांचे वर्णन पुढीलप्रमाणे; उंच बांधा, बसके नाक व मजबूत शरीरयष्टी असे त्यांचे वर्णन असून अंगावर गुलाबी रंगाची साडी व पायात काळ्या रंगाच्या चप्पला होत्या. त्या मराठी भाषा बोलतात. संबंधित महिलेबाबत कोणाला माहिती मिळाल्यास शिरूर पोलिस ठाण्याशी तातडीने संपर्क साधण्याचे आवाहन करण्यात आले आहे. पोलिस हवालदार गवळी पुढील तपास करीत आहेत.