आळंदी, ता.६ : आळंदी (ता. खेड) येथे राष्ट्रवादी काँग्रेसचे (शरद पवार गट) आमदार जितेंद्र आव्हाड यांच्या प्रतिकात्मक पुतळ्यास जोडे मारून आणि दहन करण्यात आहे. भाजपच्या कार्यकर्त्यांनी आव्हाड यांनी नुकतेच केलेल्या श्री राम यांच्याविषयीच्या वक्तव्याचा निषेध केला.
कार्यकर्त्यांनी संत ज्ञानेश्वर महाराज यांच्या समाधी मंदिरासमोरील महाद्वारात आव्हाड यांच्या विरोधात जोरदार घोषणाबाजी केली. यावेळी राम गावडे, किरण येळवंडे, वासुदेव तुर्की, राहुल घोलप, भागवत काटकर, संकेत वाघमारे, श्रीकृष्ण दंडवते, प्रमोद बाफना, संगीता फफाळ, विशाल भागवत, शंतनू पोफळे, चारुदत्त प्रसादे, सचिन सोळंकर, ज्ञानेश्वर बनसोडे आदी उपस्थित होते. आळंदी पोलिसांनी महाद्वारातील उभ्या गाड्या बाजूला केल्या. पोलिस बंदोबस्त ठेवला होता.

ALD24B04124-1