आळंदी, ता. २ : केळगाव येथे (ता. खेड) येथे दिनेश नाना लुटे (वय २३) याच्यावर बेकायदा एक लाख रुपयांचे पिस्तूल व जिवंत काडतूस बाळगल्याप्रकरणी आळंदी पोलिस ठाण्यात गुन्हा दाखल केला आहे. गेल्या पाच महिन्यांत आळंदी आणि परिसरात अशा प्रकारची कारवाई आळंदी पोलिसांनी अनेकांवर केली आहे. यामुळे गुन्हेगारांची पाळेमुळे आता आळंदीत दिसू लागली असल्याची चित्र आहे.
याप्रकरणी फिर्याद आळंदी पोलिस ठाण्यातील पोलिस शिपाई नारायण सूर्यवंशी यांनी दिली. लुटे हा केळगाव ग्रामपंचायत हद्दीत एका भाड्याच्या खोलीत राहत होता. आळंदी पोलिसांना खबर मिळाल्याने त्यांनी तत्काळ कारवाई करत लुटे याला अटक करून पिस्तूल आणि काडतूसे जप्त केली. लुटू याला पिस्तूल अणि काडतूस कोणी पुरवले,याचा वापर त्याने कोठे केला आहे
का याचा तपास आळंदी पोलिस करत आहेत.
दरम्यान, आळंदी ते मरकळ या परिसरात सध्या अशा प्रकारच्या कारवाया आळंदी पोलिसांनी अनेकदा केल्या.