आळंदी, ता. १७ : विनापरवाना दारू विक्री आणि वाहतूक केल्याप्रकरणी रिक्षाचालकासह महिलेवर आळंदी पोलिस ठाण्यात रविवारी (ता. १७) गुन्हा दाखल केला. सनी पोपट कांबळे (वय ३२, रा, लोहगाव पुणे) असे गुन्हा दाखल झालेल्या रिक्षाचालकाचे नाव आहे. ही घटना मरकळ येथील बागवान वस्तीवर एका हॉटेलच्या बाजूला घडली.
याबाबत फिर्याद पोलिस नाईक गणेश कारोटे यांनी दिली. बागवान वस्तीवर एक महिला दारू तयार करून विक्री करत असून, रिक्षाचालक सनी कांबळे याने पस्तीस लिटरचे एक असे पाच कॅन भरून दारू महिलेकडून घेत रिक्षाने (एमएच १२, व्ही डब्ल्यू १७०८) वाहतूक करत होता. दरम्यान, पोलिसांनी छापा मारला असता, रिक्षामध्ये एकशे पंच्च्याहत्तर लिटर दारू सुमारे साडेसतरा हजार रुपयांची घेऊन वाहतूक करत होता. पोलिसांनी दारूच्या कॅनसह सव्वा लाख रुपये किमतीची रिक्षा ताब्यात घेत सनी कांबळे आणि दारू तयार करून विक्री करणाऱ्‍या महिलेवर गुन्हा दाखल केला. अधिक तपास आळंदी पोलिस करत आहेत.