आळंदी, ता. १४ : येथे नगरपरिषद निवडणुकीसाठी शुक्रवारी पाचव्या दिवशी एकूण ८ नामनिर्देशन अर्ज दाखल केले आहेत.
आळंदी नगरपरिषद निवडणुकीसाठीचे निवडणूक निर्णय अधिकारी जयराज देशमुख त्यांनी दिलेल्या माहितीनुसार, नगराध्यक्षपदासाठी सुरेश वामनराव दौंडकर यांनी अपक्ष अर्ज दाखल केला आहे, तर सदस्यपदासाठी सात अर्ज दाखल झाले आहेत. त्यामुळे शुक्रवारी दाखल झालेल्या नामनिर्देशन पत्रांची संख्या ८ झाली आहे. तसेच, गुरुवारी नगराध्यक्षपदासाठी प्रकाश कुऱ्हाडे यांनी राष्ट्रवादी काँग्रेस पक्षाकडून आणि रतन चौधरी यांनी अपक्ष उमेदवारी अर्ज भरला होता. आज दौंडकर यांनी अर्ज भरल्याने नगराध्यक्ष पदासाठी एकूण तीन उमेदवारी अर्ज आले आहेत.