आळंदी, ता. ३० : वर्षाअखेरीस बुधवारी (ता. ३१) महिन्याची एकादशी असल्याने आणि नवीन वर्षाच्या सुरुवातीला १ जानेवारीला गुरुवार असल्याने मांसा आहार घेणाऱ्यांवर काहीसे नियंत्रण आहे. मात्र राज्यभरातून पेरणे फाटा येथे मानवंदनेसाठी जमणारे अनुयायी आळंदी भागातूनच जाणार असल्याने हॉटेल व्यवसायिकांना चांगले दिवस या दोन दिवसात असणार आहे. अनेक हॉटेल व्यावसायिकांनी जाहिरातीचे फलक लावले असून खाण्याच्या डीशेसवर किरकोळ स्वरूपात ऑफर्स जाहीर केल्या आहेत. हॉटेल व्यावसायिक तयारीला लागले आहेत. अनेकांनी हाटेलला बाहेरच्या बाजूने पार्किंगची व्यवस्था, तसेच लाइटिंगची व्यवस्था केली आहे. हॉटेलभोवती विद्युत रोषणाई केली आहे.