आळंदी, ता. १८ : अमृतनाथ स्वामी महाराज ५८व्या पुण्यतिथीनिमित्त आळंदीमध्ये अखंड हरिनाम सप्ताह कीर्तन महोत्सव आयोजित केला आहे. यानिमित्ताने आळंदीकर आणि भाविकांना कीर्तन श्रवणाचा लाभ मिळणार असल्याची माहिती आळंदी देवस्थानचे विश्वस्त पुरुषोत्तम महाराज पाटील यांनी दिली.
कीर्तन महोत्सव सोमवार (ता. १९) ते सोमवार (ता. २६)पर्यंत आळंदीतील सद्‍गुरू अमृतनाथ स्वामी महाराज संस्थेमध्ये दररोज संध्याकाळी सात ते नऊ या काळामध्ये तर काल्याचे कीर्तन सोमवारी (ता. २६) सकाळी दहा ते बारा या वेळेत होणार आहे. दरम्यान या कीर्तन महोत्सवामध्ये उद्या सोमवारी (ता. १९) उल्हास महाराज सूर्यवंशी, मंगळवारी (ता. २०) समाधान महाराज शर्मा, बुधवारी (ता. २१) ज्ञानेश्वर कुऱ्हाडे, गुरुवारी (ता. २२) डॉ. भावार्थ देखणे, शुक्रवारी (ता. २३) प्रमोद महाराज जगताप, शनिवारी (ता. २४) पुरुषोत्तम महाराज पाटील, रविवारी (ता. २५) चैतन्य महाराज देगलूरकर यांचे कीर्तन तर सोमवारी सकाळी दहा ते बारा या वेळेमध्ये काल्याचे कीर्तन प्रभुराज महाराज पाटील यांचे सोमवारी (ता. २६) होईल. काल्याच्या कीर्तनाने अखंड हरिनाम सप्ताहाच्या कीर्तन महोत्सवाची सांगता होणार आहे.