आळंदी, ता. ४ : शहरातील लक्ष्मी मनोहर ढाकणे (रा. घुंडरे गल्ली, आळंदी देवाची) या विवाहिता बेपत्ता झाल्या आहेत. याबाबत फिर्याद बेपत्ता महिलेचा पती मनोहर उत्तम ढाकणे (वय ३४) यांनी आळंदी पोलिस ठाण्यात मंगळवारी (ता. ३) तक्रार दिली आहे. बेपत्ता लक्ष्मी ढाकणे यांचे वर्णन पुढीलप्रमाणे; रंगाने गोऱ्या, उंची पाच फूट, गोल चेहरा, लांब केस, भुरकट रंगाची साडी परिधान केले असून त्यांना हिंदी आणि मराठी भाषा बोलता येते. या वर्णनाची महिला आढळल्यास आळंदी पोलिसांशी संपर्क साधण्याचे आवाहन करण्यात आले आहे. दरम्यान, आळंदीतील घुंडरे गल्लीमधील मागील १० दिवसांत विवाहिता बेपत्ता होण्याची दुसरी घटना आहे. रोजंदारीसाठी आलेल्या कुटुंबातील महिला आणि मुलगी बेपत्ता होण्याचे प्रमाण अलीकडच्या काळात जास्त झाले आहे.