आळंदी, ता. ११ : चिंबळी (ता. खेड) येथील कारखान्यात काम करत असताना भंगाराच्या लेझर कटिंग स्कोप छातीवर आणि पोटावर पडल्याने भंगार व्यावसायिक कामगार जखमी झाला. रुग्णालयात नेण्यापूर्वीच त्याचा मृत्यू झाल्याचे ग्रामीण रुग्णालयाकडून सांगण्यात आले. अकलिम गुलाब नबी (वय ३९, रा. कुदळवाडी, चिखली, पिंपरी), असे त्याचे नाव आहे.
याबाबत आळंदी पोलिसांनी माहिती दिली की, अकलिम गुलाब नबी हा चिंबळी येथील एका खासगी भंगार व्यावसायिक कंपनीमध्ये मंगळवारी (ता. १०) भंगार खाली करण्याचे काम करत होता. त्यावेळी भंगाराच्या लेझर कटिंग स्कोप त्याच्या अंगावर पडले. यावेळी छाती आणि पोटाला मार लागल्याने तो जखमी झाला. त्यानंतर आळंदीतील ग्रामीण रुग्णालयामध्ये तपासणीसाठी आणल्या असतात तपासणीपूर्वीच त्याचा मृत्यू झाल्याचे येथील वैद्यकीय अधिकाऱ्यांनी सांगितले. याबाबत खबर इस्रार अहमद अब्बास अली खान यांनी दिली.