आळंदी, ता. २७ : पिंपरी-चिंचवड पोलीस आयुक्तालयाच्या खंडणी विरोधी पथकाने चिंबळी येथील हॉटेलवर मारलेल्या छाप्यात १२ हजार ४२० रुपयांची अवैध देशी दारू आणि बियरच्या बाटल्या जप्त केल्या. तसेच, हॉटेलमधील किरण कैलास पाटोळे (वय २६, रा. वडगाव पाटोळे, ता. खेड) याच्यावर आळंदी पोलिस ठाण्यामध्ये अवैध दारू विक्री प्रकरणी गुन्हा दाखल केला आहे. ही कारवाई चिंबळी येथील बर्गे वस्तीवरील शिवस्वरांश हॉटेल या ठिकाणी गुरुवारी (ता. २६) दुपारी एकच्या दरम्यान झाली. याबाबत खंडणी विरोधी पथकातील पोलिस प्रदीप गोडांबे यांनी आळंदी पोलिस ठाण्यात फिर्याद दिली होती. याबाबत आळंदी पोलिस अधिक तपास करीत आहेत.