आळंदी, ता. १६ : चिंबळी (ता. खेड) येथे घरासमोर उभी केलेली ८५ हजार रुपये किमतीची मोटारसायकल चोरट्याने चोरून नेली. याप्रकरणी मंगळवारी (ता. १४) आळंदी पोलिस ठाण्यात गुन्हा दाखल करण्यात आला असून, पोलिस अधिक तपास करत आहेत. याबाबत राजसिंग परदेशी यांनी फिर्याद दिली आहे. पोलिसांनी दिलेल्या माहितीनुसार, वासीम परदेशी यांच्या घराजवळ रविवारी (ता. १२) रात्री नऊ ते सोमवारी (ता. १३) सायंकाळी सात वाजेच्या दरम्यान ही चोरी झाली. चोरट्याने काळ्या व राखाडी रंगाची दुचाकी (एमएच १४, एमव्ही ६२६२) चोरून नेली. या घटनेचा पुढील तपास आळंदी पोलिस करत आहेत.