आळंदी, ता. २० : आळंदी-मरकळ रस्त्यावर दुचाकी घसरून झालेल्या अपघातात एका ४० वर्षीय व्यक्तीचा मृत्यू झाला. किसन चंद्रसिंह धामी (रा. वेदांत हॉटेल, चऱ्होली बुद्रुक) असे अपघातात मृत्यू झालेल्यास नाव असून, याप्रकरणी आळंदी पोलिस ठाण्यात नोंद करण्यात आली आहे.
पोलिसांनी दिलेल्या माहितीनुसार, किसन धामी हे गुरुवारी (ता. १६) कामावरून दुचाकीने घरी परतत असताना त्यांची मोटारसायकल घसरली. या अपघातात त्यांच्या डोक्याला गंभीर दुखापत झाली होती. त्यांना तातडीने उपचारासाठी रुग्णालयात दाखल करण्यात आले, मात्र उपचारादरम्यान शुक्रवारी (ता. १७) त्यांचा मृत्यू झाला. याप्रकरणी मृताचा मावस भाऊ राजू बाबूराव थापा (रा. चिखली) यांनी रविवारी (ता. १९) फिर्याद दिली. आळंदी पोलिस या घटनेचा अधिक तपास करत आहेत.