आळेफाटा, ता. १२ ः अध्यात्माचा प्रसार करत असताना जगतगुरू श्री संत तुकाराम महाराज यांच्या देहू गावात जुन्नर तालुक्यातील सुपुत्राने गाथा मंदिर बांधले आहे, याचा आम्हा जुन्नरकरांना सार्थ अभिमान आहे, असे गौरवोद्‍गार आमदार अतुल बेनके यांनी काढले.
जुन्नर, आंबेगाव, खेड व पुणे जिल्ह्यातील सर्व साधक मंडळी यांच्या वतीने प. पु. गुरूवर्य पांडुरंग महाराज घुले यांच्या अमृत महोत्सवाच्या निमित्ताने आळे (ता. जुन्नर) येथील श्री. संत रेडेश्वर महाराज मंदिर या ठिकाणी कीर्तन सोहळ्यास भेट दिल्यानंतर ते बोलत होते. या प्रसंगी बंडातात्या कराडकर, किरणताई वळसे पाटील, विष्णू हिंगे, पांडुरंग पवार, शरद लेंडे, जुन्नर कृषी उत्पन्न बाजार समितीचे संचालक माऊली खंडागळे, प्रीतम काळे, नेताजी डोके, ज्ञानेश्वर महाराज देवस्थान ट्रस्टचे अध्यक्ष धनंजय काळे, एकनाथ कुऱ्हाडे, संजय शिंदे, अविनाश कुऱ्हाडे, व्यवस्थापक कान्हू पाटील कुऱ्हाडे, म्हतुजी सहाणे, चारूदत्त साबळे, विलास शिरतर, संतोष पाडेकर, संजय कुऱ्हाडे आदी मान्यवर उपस्थित होते.
यावेळी घुले यांची ग्रंथ तुला उपस्थित मान्यवरांच्या हस्ते करण्यात आली. चार दिवस चाललेल्या या महोत्सवात सुदाम महाराज बनकर, नामदेव महाराज वाळके, राजाराम महाराज जाधव यांची प्रवचन सेवा तर वैभव महाराज राक्षे, ज्ञानेश्वर महाराज कदम, चैतन्य महाराज देगुलकर, चंद्रशेखर महाराज देगुलकर, उमेश महाराज दशरथे यांची कीर्तन सेवा झाली.