आळेफाटा, ता. १७ : श्री संत सावळेराम बाबा पिंपळवंडीकर व श्रीसंत सहादूबाबा वायकर गुंजाळवाडीकर या पिंपळवंडी ते पंढरपूर आषाढी पायी वारी दिंडी सोहळ्यास दीपज्योत मेडीकल फाउंडेशनच्या वतीने संस्थापक दीपक सोनवणे यांच्याकडून औषधे भेट देण्यात आली.
जिल्हा परिषदेचे माजी उपाध्यक्ष शरद लेंडे यांच्या हस्ते औषधोपचार पेटी दिंडीप्रमुख व वारकरी यांच्याकडे सुपूर्द केली. या प्रसंगी दत्तामहाराज वाघ, चक्रधर महाराज पाचपुते, नाथामहाराज भटकळ, माउली महाराज लांडगे, दादा महाराज गुंजाळ, अनिल महाराज काकडे, शिवाजीराव चाळक, विघ्नहर कारखान्याचे माजी संचालक सत्यवान काकडे, तान्हाजी काळे आदी उपस्थित होते.