आळेफाटा, ता. २६ : आळे (ता‌. जुन्नर) येथील ज्ञानराज ग्रामविकास प्रतिष्ठान संचलित ज्ञानराज इंग्लिश मीडियम स्कूल‌ ॲण्ड ज्युनिअर कॉलेजमधील‌ पूर्व उच्च माध्यमिक शिष्यवृत्ती परीक्षेत इयत्ता आठवीतील ब्रजेश विनोद पवार हा जिल्हा गुणवत्ता यादीत आला. तालुका गुणवत्ता यादीत आर्यन वाघ, वेदांत कुऱ्हाडे या दोन विद्यार्थ्यांनी यश संपादन केले असून २६ विद्यार्थी या परीक्षेत उत्तीर्ण झाले आहेत. या सर्व यशस्वी विद्यार्थ्यांचे संस्थेचे संस्थापक अध्यक्ष नेताजी डोके, माजी जिल्हा परिषद सदस्या नयना डोके, माऊली कुऱ्हाडे, दिलीप वाव्हळ, प्रसन्न डोके, प्रदीप देवकर, सुरेश गडगे, सुधीर वाव्हळ, पांडुरंग वाघचौरे, सुरेश शिंदे, सुनील जाधव, ज्योती पवार, मीना भुजबळ, शीतल डोके, प्राचार्य जी. बी. बोऱ्हाडे यांनी अभिनंदन केले.