आळेफाटा, ता. ३१ : मुळच्या फ्रान्सच्या असलेल्या लोला या आपल्या मुलीला शिक्षणासाठी पुणे येथे सोडवायला आल्या होत्या. दोन दिवस सुट्टी असल्याने त्या मुलींसोबत राजुरी (ता. जुन्नर) येथील पराशर कृषी व संस्कृती पर्यटन केंद्रात आल्या होत्या. लोला या फ्रान्स मधल्या नर्सरी शाळेच्या शिक्षिका असून पराशर कृषी व संस्कृती पर्यटनाच्या माध्यमातून त्यांना राजुरी येथील जिल्हा परिषदेची शाळा बघण्याची इच्छा मनोज हाडवळे यांच्या कडे व्यक्त केली होती. त्यानुसार हाडवळे यांनी शाळेला भेट दिली. या वेळी त्यांनी जिल्हा परिषद शाळेचा परिसर तिथली स्वच्छता, भिंतींवरची चित्रे, वर्गांमधील तक्ते, त्यावरची माहिती, बैठक व्यवस्था, अभ्यासक्रम, मुलांचा आहार हे सगळं बघून त्या भारावून गेल्या. वर्गाची व परिसराची स्वच्छता मुले करतात हे पाहून त्या थक्क झाल्या. लोला यांचे स्वागत मुख्याध्यापक सयाजी हाडवळे यांनी केले.