आळेफाटा, ता. १० : वन्य प्राणी संरक्षण कायदा रद्द करावा, अशी मागणी शेतकरी संघटनेचे अध्यक्ष रघुनाथ पाटील यांनी केली.
जुन्नर तालुक्यातील काळवाडी गावात बुधवारी (ता. ८) एका आठ वर्षीय बालकावर बिबट्याने हल्ला करून ठार केल्याची घटना ताजी असताना शुक्रवारी (ता. १०) पिंपरी पेंढार गावातील गाजरपट या मळ्यात असलेल्या बाजरीची पिकाची राखण करणारी नानूबाई सीताराम कडाळे (वय ४५) ही महिला बिबट्याने केलेल्या हल्ल्यात ठार झाली. या घटनास्थळी भेट दिल्यानंतर स्थानिक ग्रामस्थांशी चर्चा करताना रघुनाथ पाटील बोलत होते. ते म्हणाले, ‘‘दिवसेंदिवस बिबट्यांची संख्या वाढतच चालली असून, शासनाने याकडे गांभीर्याने लक्ष देणे गरजेचे आहे. बिबट्यांना माणसाची शिकार करायला बिबट्याला अतिशय सोपे जाते, कारण माणसाला प्राण्यांप्रमाणे पळता येत नसल्याने सहज पकडतो. पिंजरे लावणे हा मार्ग नाही. त्यासाठी वेगळा पर्याय निवडले पाहिजे.