आळेफाटा, ता.१७ : राजुरी (ता.जुन्नर) येथील प्रगतशील शेतकरी बाळासाहेब भगवंता हाडवळे यांनी तलवार वाणाच्या मिरचीची लागवड केली आहे. शेणखत, ठिबक सिंचन व योग्य नियोजनाच्या जोरावर १५ गुंठ्यांत सहा ते सात टन उत्पादन मिळेल, अशी अपेक्षा त्यांना आहे. मिरचीला सध्या २६ ते ३० रुपये बाजारभाव मिळत आहे. त्यानुसार खर्च वजा जाता एक ते दीड लाख रुपये नफा मिळणार आहे.
मिरची लागवडीसाठी हाडवळे यांनी आळेफाटा येथील नर्सरीमधून तलवार वाणाची सुमारे तीन हजार पाचशे रोपांची लागवड करण्यात आली. लागवडी नंतर तिसऱ्या दिवशी प्रत्येक रोपांस ड्रॉचिग केले तसेच वेळच्यावेळी पाण्यातून ठिबकद्वारे जैविक खतांची मात्रा देण्यात आली .तसेच दररोज रोज सकाळी एक तास तर संध्याकाळी एक तास ठिबकद्वारे पाणी सोडले. औषध फवारणी केल्याने हे पीक बहरले.
अशी केली लागवड
१. शेणखत पांगवून शेत नांगरून घेतले.
२ .शेत महिना भर तापत ठेवले.
३. शेताला पाळी घातली व ठराविक अंतरावर टॅक्टरच्या बेड तयार केले.
४. बेडवर ठिबक सिंचन टाकून मल्चिंग पेपर अंथरला
५. पेपरवर मध्यभागी साधारणपणे पावणे दीड फुटाच्या अंतरावर रोपाच्या लागवडी केली.
मागील चार वर्षांतील मिळालेला प्रतिकिलोचा बाजारभाव (रुपयांत)
२०२२ ............. ५० ते ७०
२०२३ .........५० ते ८०
२०२४ .........४० ते ६०
२०२५ .........३० ते ५५
06269
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.