आळेफाटा, ता.२३ : आळेफाटा (ता. जुन्नर) येथील उपबाजारात समितीत गुरुवारी (ता. २२) गाईंच्या प्रतवारीनुसार १० हजारांपासून एक लाख २० हजारापर्यंत विक्री होऊन ८० लाख रुपयांची उलाढाल झाली.
जिल्ह्यातील चाकण नंतर सर्वात मोठ्या समजल्या जाणाऱ्या गायांचा बाजार जुन्नर कृषी उत्पन्न बाजार समितीच्या आळेफाटा उपबाजारात दर गुरुवारी भरत असतो. येथील बाजारात अहिल्यानगर, नाशिक, ठाणे या ठिकाणाहून अनेक शेतकरी गाई आपल्या खरेदी विक्री आणत असतात. बाजारात गुरुवारी झालेल्या बाजारात संकरित जातीच्या ४०७ गाई व विक्रीसाठी आल्या होत्या तर यामधून ३९९ गाईंची विक्री झाली, अशी माहिती कृषी उत्पन्न बाजार समितीचे सभापती संजय काळे, उपसभापती प्रीतम काळे, संचालक नबाजी घाडगे, सचिव रूपेश कवडे, कार्यालय प्रमुख दीपक म्हस्करे यांनी दिली.

जुन्नर तालुक्यातील पूर्व भागातील राजुरी,आळे ,वडगाव आनंद, बोरी बुद्रुक,साळवाडी,जाधववाडी भोरवाडी ,संतवाडी, कोळवाडी, उंचखडक या परीसरातील एका एका शेतकऱ्याकडे शंभरहून अधिक गाया आहेत. सध्या दुधाचे दर जेमतेम असले तरी सुगरासचे भाव खूप वाढलेले आहेत
दरम्यान, सध्या पावसाळा सुरू झाल्याने सर्व शेतकऱ्यांकडे जनावरांवरासाठी लागणारा हिरवा चारा उपलब्ध होणार असल्याने गायांना मोठी मागणी असल्याची माहिती ज्ञानेश्वर कुऱ्हाडे, सुमीत वर्पे, दिलीप शरमाळे, याकुब सोदागर, हबीब शेख, महंमद यासिर, नि.कुरेशी, अकबर शेख, नन्हुभाई शेख, जब्बार शेख, रूपेश कुऱ्हाडे, शानू बेपारी, हबीबुल सौदागर या व्यापाऱ्यांनी सांगितले.

फोटो - आळेफाटा(ता.जुन्नर)या ठिकाणी भरलेला गाईंचा बाजार