आळेफाटा, ता.२२ : जुन्नर कृषी उत्पन्न बाजार समितीच्या आळेफाटा येथील उपबाजारात रविवारी (२२) डाळिंबाची १८०० क्रेटची आवक झाली. डाळिंबाच्या २० किलोच्या क्रेटला सुमारे सहा हजार रुपये बाजारभाव मिळाला, अशी सभापती संजय काळे व उपसभापती प्रीतम काळे, सचीव रूपेश कवडे व कार्यालय प्रमुख दीपक म्हस्करे यांनी दिली.
जुन्नर कृषी उत्पन्न बाजार समितीच्या उपबाजार समितीत कांद्याप्रमाणेच डाळिंबाचे लिलाव मोठ्या प्रमाणावर होत असतात. डाळिंबाचा हंगाम सुरू झाला असल्याने येथील उपबाजारात डाळिंबाची आवक दिवसेंदिवस वाढतच आहे. एक नंबरच्या जंबो डाळिंबास वीस किलोस ६०००, दोन नंबरला ४००० व तीन नंबरला ३००० रुपये बाजारभाव तर तीन नंबरला २००० तर चार नंबरला एक हजार रुपये बाजारभाव मिळाला. दरम्यान, बाजारात १००० क्रेट विक्री झाली.
दरम्यान, येथील बाजार समितीत शुक्रवारी डाळिंबास चांगला बाजारभाव मिळत आहे. बाजारात पारनेर, संगमनेर ,श्रीगोंदा, शिरूर, अहिल्यानगर येथून डाळिंब विक्रीसाठी येत असतात, अशी माहिती डाळिंब आडतदार विशाल कुटे, प्रवीण लेंडे, पप्पू सरोदे, गणेश गडगे, अमोल सरोदे, संदीप लोढा, मियाबाई तांबोळी, नाना गडगे, मयुरेश भुजबळ, चारूदत्त साबळे, सुभाष वाघोले, निशिकांत ढोमसे यांनी दिली.
06582
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.