आळेफाटा, ता.१ : जुन्नरमधील झेंडूला योग्य बाजारभाव मिळत नसल्याने फुले फेकून देण्याची वेळ शेतकऱ्यांवर आली आहे. राजुरी, जाधववाडी, बोरी बुद्रूक, साळवाडी, शिरोली सुलतानपूर, भोरवाडी, वडगाव कांदळी, वडगाव आनंद, आळे, या गावांमध्ये झेंडूची मोठ्या प्रमाणात लागवड होत असते. यंदा मोठ्या प्रमाणावर झेंडूची लागवड झालेली आहे. जुलै महिन्यात सुद्धा लग्नसराई सुरू असून, या फुलांना मोठी मागणी असते. परंतु यावर्षी या फुलांना मागणी असूनसुध्दा योग्य असा बाजारभाव मिळत नाही.चालु वर्षी उन्हाळ्यात पाण्याचा अतिशय कमी तुटवडा असताना देखील या परीसरातील शेतकऱ्यांनी योग्य असे पाण्याचे नियोजन करून ही झेंडूचे पीक घेतले आहे.
सध्या झेंडूला दहा ते पंधरा रुपये एका किलो मागे शेतकऱ्यांला मिळत आहे. तर ग्राहक तोच झेंडू व्यापाऱ्यांकडे विकत घ्यायला गेला तर एका किलोचे पन्नास ते साठ रुपयाला विकत घेतो. शेतकरी उपाशी तर व्यापारी तुपाशी अशी परिस्थिती आता निर्माण झाली आहे. बाजारभाव कमी झाल्याने शेतकऱ्यांनी झेंडूच्या फुलांच्या बागाच्या बागा सोडून दिलेल्या आहेत.
06615