आळेफाटा, ता. १९ : आळे (ता. जुन्नर) ग्रामपंचायतीच्या वतीने ग्रामस्थांना आंबा व नारळ रोपांचे वाटप करण्यात आले. ग्रामपंचायतीच्या मासिक सभेत वृक्ष लागवडीसाठी प्रोत्साहन देण्यासाठी पर्यावरणपूरक अशा फळझाडांच्या रोपांचे वाटप करण्याचा निर्णय घेण्यात आला. रोप वाटपाचा प्रारंभ सरपंच सखाराम भंडलकर, उपसरपंच मंगेश कुऱ्हाडे, सदस्य बाजीराव लाड, मंगल तितर, लता वाव्हळ, ग्रामविकास अधिकारी बाळासाहेब वनघरे यांच्या उपस्थितीत झाला.
यावेळी माजी सरपंच व कृषी उत्पन्न बाजार समितीचे उपसभापती प्रीतम काळे, सविता भुजबळ, ॲड. विजय कुऱ्हाडे, दिगंबर घोडेकर, अर्चना गुंजाळ, ज्योती शिंदे, सुधाकर काळे, गौरी भंडलकर, जयश्री डावखर, रज्जाउद्दीन मोमीन, सोनाली वाघोले, ऊर्मिला कुऱ्हाडे आदी उपस्थित होते. ग्रामपंचायतीच्या वतीने आंबा व नारळाची जवळपास ६०० हुन अधिक रोपांचे वाटप करण्यात आले असून असा उपक्रम यापुढेही ग्रामपंचायतीच्या वतीने राबविण्यात येणार आहे.