आळेफाटा, ता.२४ : जुन्नर कृषी उत्पन्न बाजार समितीच्या आळेफाटा येथील उपबाजारात गुरुवारी (ता. २४) डाळिंबाची पाच हजार क्रेटची आवक झाली. एका क्रेटला सुमारे सात हजार रुपये बाजारभाव मिळाला. बाजारात चार हजार क्रेट विक्री झाली.
डाळिंबाची आवक दिवसेंदिवस वाढतच चालली असून, एक नंबर जंबो डाळिंबास सात हजार रुपये, दोन नंबरला सहा हजार, तीननंबरला पाच हजार, तीननंबरला चार हजार, तर चारनंबरला तीन हजार रुपये बाजारभाव मिळाला.
दरम्यान, येथील बाजार समितीत गुरुवारी डाळिंबास चांगला बाजारभाव मिळत असून, या ठिकाणी पारनेर, संगमनेर, श्रीगोंदा, शिरूर अहिल्यानगर या ठिकाणाहून डाळिंब विक्रीसाठी येत असतात, अशी माहिती डाळिंब आडतदार विशाल कुटे, प्रवीण लेंडे, संदीप लोढा, मियाबाई तांबोळी, नाना गडगे, मयूरेश भुजबळ, चारूदत्त साबळे निशिकांत ढोमसे यांनी दिली.
06740