आळेफाटा, ता. २६ ः अखिल भारतीय महात्मा फुले समता परिषदेचे राष्ट्रीय अध्यक्ष मंत्री छगन भुजबळ यांच्या सूचनेनुसार संघटनेचे संघटन अधिक मजबूत करण्यासाठी कार्याध्यक्ष माजी खासदार समीर भुजबळ हे राज्यभर दौरा करत पदाधिकाऱ्यांच्या जिल्हानिहाय आढावा बैठक घेत आहे. त्यानिमित्ताने सोमवारी (ता. २८) चाकण (ता. खेड) येथे सकाळी ११.३० वाजता त्यांच्या प्रमुख उपस्थितीत पुणे ग्रामीण (पश्चिम) विभागाची बैठक पार पडणार आहे. या बैठकीस समता सैनिकांनी बहुसंख्येने उपस्थित राहावे, असे आवाहन अखिल भारतीय महात्मा फुले समता परिषदेचे पुणे जिल्हाध्यक्ष नीलेश भुजबळ, महिला अध्यक्ष शोभा शेवकरी यांनी केले आहे.