आळेफाटा, ता. ३० : राजुरी (ता. जुन्नर) येथील सह्याद्री व्हॅली कॉलेज ऑफ इंजिनिअरिंग अँड टेक्नॉलॉजीमध्ये सिडॅमॅक मेकाट्रॉनिक्स प्रायव्हेट लिमिटेड या नामांकित कंपनीचा कॅंपस ड्राईव्ह पार पडला. यात महाविद्यालयातील अंतिम वर्षाच्या विविध शाखांतील विद्यार्थ्यांनी मोठ्या संख्येने सहभाग नोंदवला.
यावेळी लेखी परीक्षा, तांत्रिक मुलाखत आणि वैयक्तिक मुलाखती अशा विविध स्तरांमधून गुणवत्ता तपासल्यानंतर एकूण २३ विद्यार्थ्यांची अंतिम निवड करण्यात आली. यासाठी सिडॅमॅकचे प्रकाश क्षीरसागर आणि त्यांची अनुभवी टीम विशेष उपस्थित होती. कार्यक्रमाचे आयोजन महाविद्यालयाचे संचालक सचिन चव्हाण यांच्या मार्गदर्शनाखाली उपप्राचार्य प्रा. पी. बालरामुडु तसेच प्रशिक्षण व नियुक्ती अधिकारी प्रा. मुरलीधर कुरकुटे आदींनी केले होते.