आळेफाटा, ता.१ : जुन्नर कृषी उत्पन्न बाजार समितीच्या आळेफाटा येथील उपबाजारात शुक्रवारी (ता. १) डाळिंबाची तीन हजार क्रेटची आवक आली. डाळिंबाच्या २० किलोच्या कॅरेटला सुमारे सहा हजार रुपये बाजारभाव मिळाला, अशी माहिती बाजार समितीच्या प्रशासनाने दिली.
बाजार समितीत कांद्याप्रमाणेच डाळिंबाचेही लिलाव मोठ्या प्रमाणावर होत असतात. सध्या डाळिंबाचा हंगाम सुरू झाला आहे. येथील उपबाजारात डाळिंबाची आवक दिवसेंदिवस वाढत आहे. एक नंबर जंबो डाळिंबास सहा हजार, दोन नंबरला ४ हजार ५००, तीन नंबरला तीन हजार रुपये तर चार नंबरला एक हजार ५०० रुपयांचा बाजारभाव मिळाला आहे.
दरम्यान, येथील बाजार समितीत ठिकाणी पारनेर, संगमनेर, श्रीगोंदा, शिरूर अहिल्यानगर या ठिकाणाहून डाळिंब विक्रीसाठी येत असतात, अशी माहिती डाळिंब आडतदार विशाल कुटे, प्रवीण लेंडे, पप्पू सरोदे, गणेश गडगे, निशिकांत ढोमसे यांनी दिली.
06783