आळेफाटा, ता.४ : आणे पठार (ता. जुन्नर) परिसरातील शिंदेवाडी येथील एका मंदिराच्या आवारात रविवारी (ता. ३) अज्ञात महिलेचा मृतदेह आढळून आला. मृतदेहाची स्थिती पाहता घातपात झाल्याची शक्यता पोलिसांनी व्यक्त केली आहे.
याबाबत मिळालेल्या माहितीनुसार शिंदेवाडीचे माजी सरपंच अजित शिंदे हे रविवारी सकाळी गावात असलेल्या दर्शनाला मंदिरात जात असता त्यांना एका महिलेचा मृतदेह आढळून आला. त्यांनी याबाबतची तत्काळ माहिती आळेफाटा पोलिस ठाण्यास दिली.
पोलिसांनी मृतदेह शवविच्छेदनासाठी तो आळे प्राथमिक आरोग्य केंद्रात पाठविला आहे. संबंधित महिलेची ओळख अद्याप पटलेली नसून, तिचे वय अंदाजे ४० ते ४५ दरम्यान आहे. दरम्यान, प्राथमिक तपासात मृतदेहाजवळ कोणतीही ओळख पटवणारी कागदपत्रे अथवा वस्तू आढळून आलेली नाही. तसेच महिलेच्या शरीरावर मारहाणीचे तसेच गळा आवळल्याचे काही संशयास्पद खुणा दिसून आल्या आहेत. परिसरातील सीसीटीव्ही फुटेजची पाहणी सुरू असल्याचे पोलिसांनी सांगितले.