आळेफाटा, ता. १७ : आळेफाटा (ता. जुन्नर) येथील श्री जे. आर. गुंजाळ इंग्लिश मीडियम स्कूल व ज्युनिअर कॉलेजमध्ये स्वातंत्र्यदिन साजरा करण्यात आला. याप्रसंगी माजी सैनिक व ओम चैतन्य फाउंडेशनचे विश्वस्त गोपीनाथ कुटे यांच्या हस्ते ध्वजवंदन करण्यात आले. विद्यार्थ्यांनी देशभक्तिपर नृत्य, पिरॅमिड व कवायतींचे सादरीकरण केले. याप्रसंगी संस्थेचे अध्यक्ष डॉ. प्रदीप गुंजाळ, डॉ. अनुजा गुंजाळ, आबाजी काळे, शरद दरेकर, जयहिंद कॉलेज ऑफ नर्सिंगचे सीईओ ऋषिकेश खरडे, नवनाथ वाळुंज, शालेय व्यवस्थापन समिती सदस्य निशा वाळुंज, प्राचार्य जितेंद्रकुमार हांडे, उपप्राचार्य विठ्ठल म्हस्के आदी उपस्थित होते. शबाना जमादार यांनी सूत्रसंचालन केले. प्राचार्य हांडे यांनी आभार मानले.