आळेफाटा, ता. १० ः वडगाव आनंद (ता. जुन्नर) येथील सुवर्णा बापू गडगे यांच्यावर हल्ला झाला असून, गुन्हेगारास लवकरात लवकर अटक करावी अशी मागणी वंचित बहुजन आघाडी (कामगार युनियन) तालुकाध्यक्ष सागर पवार यांनी आळेफाटा पोलिस ठाण्याचे पोलिस निरीक्षक विश्वास जाधव यांना निवेदन देऊन केली आहे
याबाबत मिळालेल्या माहितीनुसार गुरुवारी (ता. ४) गडगे यांच्यावर प्रत्यक्ष हल्ला झाला होता. या प्रकरणी पोलिस ठाण्यात फिर्याद दाखल केली आहे. गुन्हेगार गावात वावरत असून पोलिस प्रशासनाने लवकरात लवकर कारवाई अटक करण्याची मागणी निवेदनाद्वारे केली आहे. तसेच जाधव यांनी सकारात्मक भूमिका घेत गुन्हेगारास लवकरात लवकर अटक होईल, असे आश्वासन दिले. याप्रसंगी प्रदीप साळवे, जुन्नर तालुकाध्यक्ष सागर पवार, जिल्हा महासचिव विशाल गडगे उपस्थित होते.