आळेफाटा, ता. ८ ः आळे (ता. जुन्नर) येथील विशाल जुन्नर फार्मसी महाविद्यालयामध्ये फार्मसी क्षेत्रातील विविध स्पर्धा परीक्षांविषयी विद्यार्थ्यांना मार्गदर्शन करण्यात आले.
विशाल जुन्नर सेवा मंडळ संचलित इन्स्टिट्यूट ऑफ फार्मसी आणि विशाल इन्स्टिट्यूट ऑफ फार्मास्युटिकल एज्युकेशन अँड रिसर्च, आळे या महाविद्यालयांमधील विद्यार्थ्यांसाठी फार्मसी क्षेत्रातील विविध स्पर्धां परिक्षांविषयी शुभम ठाकरे यांच्या व्याख्यानाचे आयोजन करण्यात आले होते. यावेळी संस्थेचे अध्यक्ष अंकुश सोनवणे, संस्थेचे मुख्य कार्यकारी अधिकारी डॉ. डी. डी. गायकवाड, प्रा. डॉ. एस. एल. जाधव, प्रा. डॉ. रूपाली हांडे आदी उपस्थित होते .
या प्रसंगी ठाकरे यांनी विद्यार्थ्यांना मार्गदर्शन करताना फार्मसी क्षेत्रातील ड्रग इन्स्पेक्टर, वैद्यकीय व रेल्वे विभागात औषधनिर्माण अधिकारी म्हणून निवडीसाठी घेण्यात येणाऱ्या परीक्षा, त्यांच्या परीक्षा पद्धती, अभ्यासक्रम, विषयानुसार गुण विभागणी व चालू घडामोडींचे वाचन याविषयी सविस्तर माहिती दिली. प्रा. आश्लेषा चिंचवडे यांनी कार्यक्रमाचे सूत्रसंचालन केले. प्रा. अक्षदा हुलवळे यांनी आभार मानले.