आळेफाटा, ता. ९ : वडगाव आनंद (ता. जुन्नर) येथील जिल्हा परिषद शाळेत सोमवार (ता. १) ते बुधवार (ता. ३) या कालावधीत यशवंतराव चव्हाण कला क्रीडा सांस्कृतिक महोत्सव अंतर्गत बीटस्तरीय स्पर्धा घेण्यात आल्या. यात प्रश्नमंजूषा, वक्तृत्व, लोकनृत्य, लेझीम, खो- खो आदी क्रीडा प्रकारांचा समावेश होता.
स्पर्धेत आळे केंद्रातील २५ शाळांच्या १५० विद्यार्थ्यांनी सहभाग घेतला. शालेय व्यवस्थापन समितीचे अध्यक्ष दत्तात्रेय चौगुले हे कार्यक्रमाच्या अध्यक्षस्थानी होते. याप्रसंगी माजी उपसरपंच ऋषी गडगे, दत्तात्रेय वाळुंज, निमेश वाळुंज, संचालक विविध कार्यकारी सोसायटी सुरेश शिंदे, माजी सरपंच वडगाव आनंद, केंद्रप्रमुख पुष्पा हांडे आदी उपस्थित होते. शिक्षिका गीतांजली वाळुंज, सुनंदा तांबे, सविता खेत्री, छाया डुंबरे, सुनील टिकेकर, दत्तात्रेय गंगाधर चौगुले, शालेय व्यवस्थापन समिती अध्यक्ष तथा पोलिस पाटील यांनी स्पर्धेचे आयोजन, डि. बी.वाळुंज यांनी प्रास्ताविक, तर सविता खेत्री यांनी सूत्रसंचालन केले.