आळेफाटा, ता. ३१ : ‘‘शेतकरी शोषण थांबवायचे असेल तर ठिक ठिकाणी सोयाबीन केंद्र उभारली पाहिजेत,’’ असे मत राज्याचे कृषी संचालक विनयकुमार आवटे यांनी मांडले.
राजुरी (ता.जुन्नर) महाराष्ट्र राज्य पणन महामंडळ यांच्या वतीने राजुरी येथील विनयशील कृषी फार्मर्स प्रोडूसर कंपनी लि. या संस्थेमध्ये हमीभाव केंद्र सुरू करण्यात आहे. या ठिकाणी भेट दिली उपस्थित शेतकऱ्यांना मार्गदर्शन करताना ते बोलत होते. याप्रसंगी गावचे माजी उपसरपंच मोहन हाडवळे, विक्रम डुंबरे, बाळासाहेब हाडवळे, मनोज हाडवळे, अजय पवार, रमेश कणसे आदी मान्यवर शेतकरी उपस्थित होते.
यावेळी आवटे म्हणाले की, या ठिकाणी सुरू केलेल्या या सोयाबीन हमीभाव खरेदी केंद्रावर शेतकऱ्यांना ५३.२८ प्रतिकिलो बाजारभाव मिळत असून, सोयिस्कर, पारदर्शक खरेदी व्यवस्थेचा लाभ मिळत असल्याचे सांगितले. सोयाबीन खरेदी केंद्रावर, खरेदीची ऑनलाइन नोंदणी जास्तीत जास्त शेतकऱ्यांनी या योजनेचा लाभ घ्यावा, असे आवाहन यावेळी करण्यात आले.

07533