आळेफाटा, ता. २ : वडगाव आनंद (ता. जुन्नर) येथे आयोजित केलेल्या मोफत नेत्र तपासणी व मोतीबिंदू शस्त्रक्रिया शिबिरात ३११ जणांची तपासणी करण्यात आली.
आळेफाटा, वडगाव आनंद येथील गोमाता ग्रामीण बिगरशेती सहकारी पतसंस्था व जय मल्हार ज्येष्ठ नागरिक संघटना यांच्या संयुक्त विद्यमाने मोफत नेत्र तपासणी व मोतीबिंदू शस्त्रक्रिया शिबिराचे आयोजन केले होते. या शिबिराचे उद्‍घाटन आमदार शरद सोनवणे, पतसंस्थेचे अध्यक्ष सुरेश गडगे यांच्या हस्ते करण्यात आले. याप्रसंगी जिल्हा परिषदेचे माजी उपाध्यक्ष शरद लेंडे, अनंतराव चौगुले, पंचायत समितीचे माजी सदस्य नेताजी डोके, मंगेश काकडे, गावच्या सरपंच रेलिका जाधव, उपसरपंच गणेश भुजबळ, संस्थेचे
उपाध्यक्ष राहूल खोकले, सचिव रवींद्र गडगे, मुख्य कार्यकारी अधिकारी मंगेश शिंदे आदी उपस्थित होते. या शिबिरातील गरजू रुग्णांवर शस्त्रक्रिया करण्यात येणार असल्याचे संस्थेचे अध्यक्ष सुरेश गडगे यांनी सांगितले.