आळेफाटा, ता. २८ ः राजुरी (ता. जुन्नर) येथील सोनेमळा येथे श्री खंडेराय महाराज अखंड पायी दिंडी ध्वज रथ सोहळा उत्साहात पार पडला. धारणगाव खडक ते जेजुरी पायी दिंडी सोहळा अनेक वर्षांपासून सुरू असल्याची माहिती माजी सरपंच बाळासाहेब हाडवळे, कैलास हाडवळे, मारुती हाडवळे, दिलीप हाडवळे, राहुल हाडवळे तसेच बोचरे बाबा नवतरुण गणेश मंडळाच्या वतीने देण्यात आली. दिंडीचे राजुरी येथे आगमन होताच आतषबाजी करत उत्साहात स्वागत करण्यात आले. तसेच आलेल्या सर्व मान्यवरांचे बोचरेबाबा नवतरुण गणेश मंडळाच्या वतीने सत्कार करण्यात आला.
सोहळ्यात सहभाग घेण्यासाठी हजारो भाविक या ठिकाणी येत असतात. आलेल्या सर्व भाविक भक्तांना आमटी भाकरीच्या महाप्रसाद देण्यात आला. रात्री ९नंतर खंडेरायाचे जागरण झाले.