​आळेफाटा, ता. १० ः राजुरी (ता.जुन्नर) येथील सह्याद्री व्हॅली कॉलेज ऑफ इंजिनिअरिंग अँड टेक्नॉलॉजी येथे सावित्रीबाई फुले पुणे विद्यापीठ ‘गुणवत्ता सुधार योजना’ अंतर्गत ‘अत्याधुनिक संशोधन आणि नवोन्मेष’ या विषयावर एकदिवसीय कार्यशाळा पार पडली. या कार्यक्रमास संस्थेचे खजिनदार सचिन चव्हाण यांची प्रमुख उपस्थिती होती, तर अकॅडमिक डीन प्रा. पी. बालरामुडू यांनी आपल्या अभ्यासपूर्ण भाषणातून संशोधनाचे महत्त्व आणि शैक्षणिक प्रगतीवर मोलाचे मार्गदर्शन केले. बारामती येथील विद्या प्रतिष्ठानचे डॉ. चैतन्य कुलकर्णी आणि प्रा. प्रदीप घोरपडे यांनी ‘संसाधन सहाय्यक’ म्हणून कृत्रिम बुद्धिमत्ता, पेटंट फाइलिंग आणि आधुनिक तंत्रज्ञानावर सखोल मार्गदर्शन केले. या प्रसंगी सल्लागार समितीतील डॉ. मनोज कुमार, प्रा. रंधवण भगवत, प्रा. रेड्डी मणिकंठा, प्रा. कविता खताळ, प्रा. दिव्या राहणे, प्रा. कविता खेमनार, प्रा. उद्धव भारती उपस्थित होते. कार्यक्रमाच्या यशस्वी नियोजनासाठी समन्वयक प्रा. वैभव नांगरे, प्रा. तेजस नलावडे आणि सह-समन्वयक प्रा. गौरव गाढवे, प्रा. रुपेश कांबळे, प्रा. यश नेहे यांनी विशेष परिश्रम घेतले.