आळेफाटा, ता. ११ : जुन्नर कृषी उत्पन्न बाजार समितीच्या आळेफाटा उपबाजारात मंगळवारी (ता.११) कांद्याची आठ हजार ९१६ पिशव्यांची आवक झाली. यावेळी गोळा कांद्यास १० किलोला १४० रुपयांपर्यंत बाजारभाव मिळाला.
बाजार समितीत झालेल्या लिलावात एक नंबर कांद्यास १३० ते १४० रुपये, दोन नंबरला ११० ते १३० रुपये, तर गोल्टी कांद्यास ९० ते ११० रुपये बाजारभाव मिळाला. बदला व चिंगळी कांद्यास ३० ते ९० रुपये दर मिळाल्याची माहिती सभापती संजय काळे व सचिव रुपेश कवडे यांनी दिली.
सध्या कांद्याला प्रतिकिलो पाच ते १२ रुपये दर मिळत आहे. वाढलेली मजुरी, इंधन दर आणि खतांच्या किमतींमुळे उत्पादन खर्च दुप्पट झाला आहे. खर्चही वसूल होत नसल्याने शेतकऱ्यांनी आता कांदा चाळीत साठवण्यावर भर दिला आहे.