बेल्हे, ता. ३ : निमगाव सावा (ता. जुन्नर ) येथे मंगळवारी (ता. २) जिल्हा परिषद प्राथमिक शाळेत उद्योजक विजय गाडगे यांनी, आपल्या मुलीच्या वाढदिवसानिमित्त सर्व विद्यार्थ्यांना शालेय वस्तूंचे वाटप केले.
निमगाव सावा येथील उद्योजक विजय गाडगे हे दरवर्षी मुलीच्या वाढदिवसाच्या निमित्ताने अनावश्यक खर्च टाळून शालेय मुलांसाठी शालेय वस्तू देतात. या वर्षी देखील या कार्यक्रमाचे आयोजन केले होते.
याप्रसंगी जुन्नर कृषी उत्पन्न बाजार समितीचे संचालक भास्कर गाडगे, सरपंच किशोर घोडे, शालेय व्यवस्थापन समितीचे अध्यक्ष इरफान पटेल, विजय महाराज खाडे, परेश घोडे, परशुराम लगड, सलीम मिस्त्री, चंदाताई गाडगे, गणेश गाडगे, सनी उनवणे, साजिद पटेल, संदीप थोरात, प्रकाश तट्टू, शाळेचे मुख्याध्यापक लहू गोफणे, उपशिक्षिका जयश्री जावळे, शारदा मटाले, संतोष साळुंके, प्रशाली डुकरे आदी उपस्थित होते.
कार्यक्रमाचे प्रास्ताविक व सूत्रसंचालन संतोष साळुंके यांनी केले. आभार शाळेचे मुख्याध्यापक लहू गोफणे यांनी केले.