बेल्हे, ता. ४ : बेल्हे (ता. जुन्नर) येथील ‘समर्थ कॉलेज ऑफ इंजिनिअरिंग अँड मॅनेजमेंट’ या पदवी अभियांत्रिकी महाविद्यालयातील पदवी व पदव्युत्तर अभ्यासक्रमांच्या प्रवेश क्षमतेत वाढ करण्यास शासनाने परवानगी दिली आहे.
महाविद्यालयात ‘मास्टर ऑफ बिझनेस ऍडमिनिस्ट्रेशन’ (एमबीए) या व्यवस्थापन शास्त्र अभ्यासक्रमासाठी १२० वरून १८० प्रवेश क्षमतेत वाढ होणार आहे. तसेच, इलेक्ट्रिकल इंजिनिअरिंग या पदवी अभियांत्रिकी शाखेमध्ये ३० वरून ६० प्रवेश क्षमता होणार आहे, अशी अखिल भारतीय तंत्र शिक्षण परिषद, नवी दिल्ली व महाराष्ट्र शासनाने परवानगी दिल्याची माहिती संस्थेचे सचिव विवेक शेळके यांनी दिली. ज्या विद्यार्थ्यांना २०२५-२६ मध्ये एमबीएसाठी प्रवेश घ्यायचा आहे. परंतु, काही कारणास्तव एमबीए एमएच-सीईटी देऊ शकले नाहीत. त्यांच्यासाठी ही सुवर्णसंधी असल्याचे कॅम्पस डायरेक्टर प्रा. राजीव सावंत यांनी सांगितले.