बेल्हे, ता. १४ : बेल्हे (ता. जुन्नर) येथील बेल्हे विविध कार्यकारी सेवा सहकारी सोसायटीच्या उपाध्यक्ष पदासाठी झालेल्या चुरशीच्या निवडणुकीत कैलास औटी यांनी विजय मिळवला. सोसायटीच्या उपाध्यक्ष पदासाठी जुन्नर येथे सहायक निबंधक कार्यालयामध्ये निवडणूक प्रक्रिया पार पडली. यावेळी उपाध्यक्ष पदासाठी सत्ताधारी गटाकडून काशिनाथ गुंजाळ यांनी, तर विरोधी गटाकडून कैलास औटी यांनी उमेदवारी अर्ज दाखल केला होता. सोसायटीचे सोसायटीचे अध्यक्ष अशोक गुंजाळ असून यांसह एकूण १७ संचालकांनी यावेळी मतदान केले. या निवडणुकीत सत्ताधारी गटाकडे १० सदस्य असून देखील, काशिनाथ गुंजाळ यांना ८ मते मिळाली. तर कैलास औटी यांनी ९ मते मिळवत विजय संपादन केला. यानंतर औटी यांच्या समर्थकांनी जल्लोष करीत त्यांचा सत्कार केला.